काठमाडौं, २३ मङ्सिर : कांग्रेस नेता धनराज गुरुङले प्रधानमन्त्री केपी शर्मा ओलीले बोलाएको सर्वदलीय बैठकको औचित्य नभएको बताउनुभएकाे छ । मंगलबार बिहान सामाजिक सञ्जाल ट्वीटरमा कांग्रेस सभापति शेरबहादुर देउवालाई मेन्सन गर्दै उहाँले सर्वदलीय बैठकको औचित्य नभएको बताउनुभएकाे हाे ।
गुरुङले आफ्नै पार्टीका नेताहरुले भ्रष्टाचारीको आरोप लगाएपछि पार्टी बैठकमा ओली उपस्थित हुन छाडेको दाबी गर्नुभएकाे छ । उहाँले सर्वदलीय बैठक प्रमुख प्रतिपक्ष दल कांग्रेसकै नेतृत्वमा भ्रष्टाचारविरुद्ध मोर्चाबन्दी कस्नका लागि आवश्यक रहेको औंल्याउनुभएकाे छ ।
'आफ्नै पार्टीका नेताहरुले भ्रष्टाचारीको आरोप लगाएपछि पार्टीकै बैठकमा उपस्थित हुन छाडेका प्रधानमन्त्रीले बोलाएको सर्वदलीय बैठकको औचित्य छैन' गुरुङले ट्वीट गर्नुभएकाे छ 'बरु यतिखेर सर्वदलीय बैठक त प्रमुख प्रतिपक्ष दल कांग्रेसकै नेतृत्वमा भ्रष्टाचारविरुद्ध मोर्चाबन्दी कस्नका लागि आवश्यक छ ।'
ओलीले मंगलबार बिहान ११ बजे संघीय संसद्मा प्रतिनिधित्व गर्ने राष्ट्रिय दलको सर्वदलीय बैठक आह्वान गर्नुभएकाे छ । प्रधानमन्त्रीले पछिल्लो राजनीतिक अवस्थाबारे छलफल गर्न बैठक बोलाउनुभएकाे हाे । देशमा कोभिड-१९ को मार खेपिरहेको छ भने अर्कातिर राजावादीहरुले आन्दोलन चर्काइरहेका छन् । केही समययता राजावादीहरूले देशका विभिन्न ठाउँमा आन्दोलन गरिरहेका छन् ।आफ्नै पार्टीका नेताहरुले भ्रष्टाचारीको आरोप लगाएपछि पार्टीकै बैठकमा उपस्थित हुन छाडेका प्रधानमन्त्रीले बोलाएको सर्वदलीय बैठकको अौचित्य छैन। बरु यतिखेर सर्वदलीय बैठक त प्रमुख प्रतिपक्ष दल कांग्रेसकै नेतृत्वमा भ्रष्टाचार बिरुद्ध मोर्चाबन्दी कस्नका लागि आवश्यक छ। @DeubaSherbdr
— Dhan Raj Gurung (@dhanrgrg) December 8, 2020
पछिल्लो पटक बैशाख ३१ गते सर्वदलीय बैठक बसेको थियो । त्यसयता सर्वदलीय बैठक बसेको छैन् ।
No comments:
Post a Comment