काठमाडौं, ३ पुस : नेपालमा आज थप ७८२ जना कोरोना भाइरस संक्रमित थपिएका छन् ।
स्वास्थ्य तथा जनसंख्या मन्त्रालयका अनुसार देशभरका प्रयोगशालामा ५७०६ जनाको पीसीआर परीक्षणमा ७८२ जनामा संक्रमण पुष्टि भएको हो ।
गत २४ घण्टामा १०२९ जना संक्रमणमुक्त भएको मन्त्रालयले जनाएको छ । अहिलेसम्म संक्रमणमुक्त हुने २ लाख ४१ हजार ३ सय ९२ जना छन् । नेपालमा निको हुने दर ९५ दशमलव ६ प्रतिशत रहेको छ ।
कोरोना संक्रमणबाट थप १६ जनाको मृत्यु भएको छ । अहिलेसम्म मृत्यु हुनेको संख्या १७६५ रहेको छ ।
गत २४ घण्टामा काठमाडौं उपत्यकामा २८७ जना संक्रमित भएका छन् । तीमध्ये काठमाडौंमा २०२, भक्तपुरमा ९ र ललितपुरमा ७६ जना संक्रमित थपिए ।
No comments:
Post a Comment