 |
| अन्जु शर्मा |
आनन्द नि कस्तो तिम्रो, तमोरसमा हराउने
चुरोटको धुवाँ संग-संगै,आफैलाई उडाउने ।
निर्दोष पशु हत्या गर्न, समर्थन जनाउने
मसलेदार मासु खाई, आफैलाई गलाउने।
आनन्दको नाममा सधैं, फास्टफूडमा रमाउने
निम्तो पत्र दिदै रोगलाई, आफैलाई सडाउने।
आनन्द त हैन त्यो, तिमीले जो रोजेको छ
अनुचित आहार-विहार, आफैलाई सिध्याउने।
बिचार तिमी बदलिदेउ, नुन-चिनी बढी खाने
सेतो चामल,मैदा संगै, नोक्सान आफैलाई गराउने ।
आजैबाट थाल तिमी, उचित आहर- विहार गर्न
छोक्रा-बोक्रा मिलाएर, निरोगी आफैलाई बनाउने ।
आनन्दको सागर हो, उचित आहर-विहार गर्ने
भय मुक्त ,रोग मुक्त, सुखी आफैलाई बनाउने ।
रातोपुल
No comments:
Post a Comment