काठमाडौँ, २ साउन : कर्मचारी हत्याको आरोपमा पक्राउ परेका उत्तम सञ्जेल धरौटीमा छुट्नुभएको छ । १०० रुपैयाँमा शिक्षा दिन सकिन्छ भन्ने अभियानका साथ समता स्कुल चलाएर चर्चामा आउनुभएका सञ्जेल आफ्नै अस्पतालमा कार्यरत एक कर्मचारीको हत्या आरोपमा पक्राउ पर्नुभएको थियो ।
मृतकका आफन्तले सञ्जेल परिवारमाथि नै आरोप लगाएपछि उहाँलाई प्रहरीले नियन्त्रणमा लिएको थियो । हिरासतमा रहनुभएका उहाँलाई जिल्ला अदालत काठमाडौंले ३ लाख रुपैयाँ धरौटीमा छाड्ने आदेश दिएको हो । सञ्जेलकी पत्नी कला पनि ३ लाख रुपैयाँकै धरौटीमा छुट्नुभएको छ । पर्याप्त प्रमाण नभएपछि उहांहरु धरौटीमा छुट्नुभएको हो।
समता अस्पतालमा सफाइको काम गर्ने विमला तामाङ असार ३ मा झुन्डिएको अवस्थामा भेटिएको थियो। त्यसपछि प्रहरीले सञ्जेल दम्पतीलाई पक्राउ गरी अनुसन्धान थालेको थियो। पोष्टमार्टममा झुन्डिएकै कारण मृत्यु भएको रिपोर्ट आएको थियो।
No comments:
Post a Comment