बारा, ३ साउन : भारतबाट परीक्षणको रुपमा पाइपलाइनमार्फत पठाइएको इन्धन शुक्रबार दिउँसो बाराको अमलेखगञ्ज आइपुग्ने भएको छ ।
परीक्षणका लागि बिहीबार पाइपलाइनमा भारतको मोतिहारीबाट एक सय ५० किलो लिटर डिजेल पठाइएको थियो । पाइपलाइनमा भएको हावाको चाप निकाल्न डिजेलभन्दा अघि एकसय ५० किलो लिटर पानी पनि पठाइएको थियो । पाइपबाट अहिले थोपाथोपा पानी र हावा बाहिर निस्कन थालेको नेपाल आयल निगमको इञ्जिनियर शरद पौडेलले जानकारी दिनुभयो ।
परीक्षणको रुपमा आउने इन्धन जम्मा गर्न एउटा टयांकी सफा गरी तयारी अवस्थामा राखिएको छ । परीक्षण जाँचका लागि भारतीय आयल निगमका १५ जना प्राविधिकको टोली अमलेखगञ्ज आयल निगमको डिपोमा काम गरिरहेका छन् ।
परीक्षण सफल भएपछि दुई देशका प्रधानमन्त्रीले संयुक्तरूपमा उद्घाटन गरेर पाइपलाइनबाट औपचारिक रुपमा इन्धन ल्याउने काम सुरु गरिने आयल निगमले जनाएको छ ।
No comments:
Post a Comment