छोरीहरुलाई उपहारस्वरूप भाइ दिएकै हो, पतिलाई छोरा सासुलाई नाती पाई दिएकै हो

गजल

रज्जु बिडारी"काली" 

छोरीहरुलाई  उपहारस्वरूप भाइ दिएकै हो।
पतिलाई छोरा सासुलाई नाती पाई दिएकै हो।।

धेरै सन्तान माइतीलाई व्यबहार छिन्ने चटारो ।
जसलाई रोजे उसैको साथमा आई दिएकै हो।।

परिवार र श्रीमती बिच किन पार्नु श्रीमान् भनी।
बिना गल्ती  कयौंपटक गाली खाई दिएकै हो ।।

खोइ किन स्वार्थी भन्छ भू.पू मायालुले समेत ।
उ पराईको हुदा पनि त हासेर बधाई दिएकै हो।।

कसले सोध्यो आज सम्म के छ तेरो मनमा भनी?
लुकाउन पिडा मुस्कानको मुकुट लाई दिएकै हो ।।


रज्जु बिडारी"काली"
धार्के,धादिङ ।।

यो पनि पढ्नुहोस् :
पुरुष दिवस कहिले ?