सुरुङ्गा, ६ कात्तिक : प्रतिनिधिसभाकी सांसद् धर्मशिला चापागाईंले दशैं भत्तावापत्को आफ्नो रकम नारी सञ्चार गृह र शहीद प्रतिष्ठान नेपालको झापा शाखालाई प्रदान गर्नुभएको छ ।
कोरोना महामारीका बेला दशैं भत्ता लिन उपयुक्त नहुने बताउँदै नेपाल कम्युनिस्ट पार्टी (नेकपा)की सांसद चापागाईंले उक्त रकम झापाका दुई संस्थालाई वितरण गर्नुभएको हो ।
सञ्चार गृहकी अध्यक्ष भीमा शिवाकोटीले संस्थाको खातामा रु ३२ हजार प्राप्त भएको जानकारी दिनुभयो ।
नेकपाले दशैं भत्ताको रकम कोरोना कोषमा जम्मा गर्ने निर्णय गरेको पनि सांसद् चापागाईंले पार्टीको निर्णयअगावै भत्ता नलिने र दुई सामाजिक संस्थालाई प्रदान गर्ने घोषणा गरिसक्नुभएको थियो ।
No comments:
Post a Comment