काठमाडौँ, २० कात्तिक : पछिल्लो २४ घण्टामा थप ३ हजार ५१ जनामा कारोना भाइरसको संक्रमण पुष्टी भएको छ । देशभरबाट १३ हजार ६८ जनाको पिसिआर परीक्षण गरिएकोमा ३ हजार ५१ जनामा कोरोना सङ्क्रमण पुष्टि भएको हो ।
नेपालमा हालसम्म १५ लाख ७ हजार १९० जनाको पीसीआर परीक्षण गरिएकोमा १ लाख ८५ हजार ९ सय ७४ जनामा कोरोना भाइरसको संक्रमण देखिएको स्वास्थ्य तथा जनसंख्या मन्त्रालयले जनाएको छ ।
स्वास्थ्य मन्त्रालयका अनुसार पछिल्लो २४ घन्टामा काठमाडौँमा १ हजार ९१, भक्तपुरमा १४७ र ललितपुरमा १६० गरी काठमाडौँ उपत्यकामा १ हजार ३ सय ९८ जनामा कोरोना भाइरसको संक्रमण पुष्टि भएको छ ।
स्वास्थ्य मन्त्रालयका अनुसार आज थप ३ हजार ४ सय ३० जना कोरोना भाइरसको संक्रमणबाट निको भएर घर फर्किएसँगै कोरोना संक्रमणबाट मुक्त भई घर फर्किनेको संख्या १ लाख ४८ हजार ४ सय ८ पुगेको छ ।
नेपालमा निको हुनेको दर ७९.८ प्रतिशत रहेको छ ।
कोरोना भाइरसको संक्रमणबाट आज थप १८ जनाको मृत्यु भएको छ । योसँगै नेपालमा कोरोना भाइरसको संक्रमणबाट मृत्यु हुनेको संख्या १ हजार ५२ पुगेको छ ।
हाल, नेपालमा ३६ हजार ५ सय १४ जना सक्रिय सङ्क्रमित छन् । यस्तै, १ हजार २ सय ३२ जना क्वरेण्टीनमा छन् ।
No comments:
Post a Comment