काठमाडौँ, २ साउन : लोकसेवा आयोगले गरेको विज्ञापन समावेशी र समानुपातिक नभएको भन्दै लोक सेवा आयोगको केन्द्रीय कार्यालय अगाडि प्रदर्शन भएको छ ।
स्थानीय तहका लागि भन्दै गत असारमा लोक सेवाले ९ हजार १ सय ३२ पदका लागि आवेदन माग गरेको थियो जसको परीक्षा साउन ३ (भोलि) बाट शुरु हुँदैछ । आयोगको विज्ञापन समावेशी र समानुपातिक नभएको भन्दै आन्दोलनरत आदिवासी, जनजाति, महिला, दलितलगायतका समुदायले विभिन्न संघ संस्थाले विरोध गर्दै आएका छन् ।
त्यसै क्रममा उनीहरुले परीक्षाको पूर्वसन्ध्यामा आयोगको केन्द्रीय कार्यालय अगाडि विरोध प्रदर्शन गरेका हुन् ।
प्रदर्शनका कारण केहीबेर अनामनगरको बाटो अवरुद्धसमेत भएको थियो । प्रदर्शनकारीलाई प्रहरीले सामान्य वल प्रयोग गरी हटाएको थियो ।
No comments:
Post a Comment