 |
| रिमेश अधिकारी |
तिमी नरोउ आमा, म छु नी
हिम्मत नहारीदेउ आमा
भर्खरै १२ पुगे अब १० वर्ष
पर्खिदेउ, त्यसपछि
तिमी रुनैछैनौ आमा,
तिम्रो आँखामा दुःखको आँसु
होइन खुशिको आशु ल्याउनेछु ।
तिमी ढुक्क बन म धेरै कमाउँनेछु
तिमीलाई यो शहर घुमाउँछु
तिम्रो ऋणको भकारी फुटाउँछु
हाम्रो घरमा आकाशको जुनतारा लहराउनेछु
अनि सधै उज्यालो पार्ने छु ।
तिम्रो मिहेनत र परिश्रमलाई
म सधै कदर गर्नेछु
बहिनीलाई धेरै माया गर्नुेछु
बाबालाई सम्मान गर्नेछु ।
बुवाको शिर ठाडो राख्नेछु
तर आमा तिमी नरोऊ ल
म सधै तिमीलाई मुटुमा राख्नेछु
तिम्रो मायाको संस्कारमा पर्नेछु ।
तिम्रो पोल्टामा त्यो चम्कने तारा ल्याउनेछु आमा
तिम्रो खुशिको लागि म जे नि गर्नेछु ।
No comments:
Post a Comment