वीरगञ्ज, २६ साउन : आइतबार राती अबेर आएको पिसिआर परीक्षण रिर्पोट अनुसार पर्सा जिल्लामा स्वास्थ्यकर्मी र प्रहरी सहित थप २२ जनामा कोरोना संक्रमण पुष्टि भएको छ ।
वीरगञ्जस्थित नारायणी अस्पतालको प्रयोगशालमा गरिएको परीक्षणमा ४ जना स्वास्थ्यकर्मी र ४ जना नेपाल प्रहरी सहित २२ जनामा कोरोना संक्रमण पुष्टि भएको हो । नारायणी अस्पतालका मेडिकल सुपरिडेन्टेन्ट मदन उपाध्यायले दिएको जानकारी अनुसार आईतबार राती अबेर आएको पिसिआर परिक्षणको रिर्पोटमा ४ जना स्वास्थ्यकर्मी र ४ जना नेपाल प्रहरी सहित २२ जनामा कोरोना संक्रमण देखिएको हो ।
संक्रमित हुनेमा नारायणी अस्पतालकी १ जना नर्स , पर्साको पोखरीया अस्पतालका १ जना चिकित्सक, १ जना नर्स, १ जना अहेब गरी ४ जना स्वास्थ्यकर्मी रहेका छन् भने जिल्ला प्रहरी कार्यालय पर्सामा कार्यरत ४ जना प्रहरीमा पनि संक्रमण पुष्टि भएको नारायणी अस्पतालका मेडिकल सुपरिडेन्टेन्ट डा. उपाध्यायले बताउनुभयो ।
त्यस्तैगरी अन्य फेला परेका नयाँ संक्रमितहरुमा म्यानस फर्मा उद्योगका ३ जना कर्मचारी, वीरगञ्ज महानगरपालिका वडा नम्बर ११ का ४ जना, वडा नम्बर १२ का २ जना, वडा नम्बर २, ८, १५ र १६ का १/१ जनामा रहेका छन् । पछिल्लो पटक २२ जनामा संक्रमण देखिएसँगै पर्सा जिल्लामा संक्रमितको संख्या १ हजार ४८ पुगेको नारायणी अस्पतालका मेडिकल सुपरिडेन्टेन्ट डा. उपाध्यायले जानकारी दिनुभयो ।
No comments:
Post a Comment