सप्तरी, २१ पुस : सप्तरीको रुपनी गाउँपालिकामा ट्रकको ठक्करबाट आज बिहान एक जनाको ज्यान गएकाे छ ।
पूर्व–पश्चिम राजमार्गअन्तर्गत रुपनी गाउँपालिका ६ वीरेन्द्र बजारमा भएको दुर्घटनामा सप्तरीको विष्णुपुर गाउँपालिका १ वासितपुरका ३५ वर्षीय रामकुमार खत्वे मण्डलको ज्यान गएकाे जिल्ला प्रहरी कार्यालय सप्तरीका डीएसपी एवम् प्रवक्ता भुवनेश्वरप्रसाद साहले जानकारी दिनुभयो ।
ठक्करबाट गम्भीर घाइते भएका मण्डलको स्थानीय अस्पतालमा उपचारका क्रममा ज्यान गएको प्रहरीले जनाएको छ । पश्चिमबाट पूर्वतर्फ जाँदै गरेको ठक्कर दिने ट्रकको नम्बर खुल्न सकेको छैन् । ट्रकलाई नियन्त्रणमा लिएर दुर्घटनाबारे थप अनुसन्धान भइरहको सप्तरी प्रहरीले जनाएको छ ।
No comments:
Post a Comment