काठमाडौं, १७ भदौ : नेपाली लेग स्पिनर सन्दीप लामिछाने आवद्ध जमैका तलाबाजले क्यारेबियन प्रिमियर लिग सीपीएल टी-ट्वान्टी क्रिकेटमा उत्साहजनक प्रदर्शन गर्न सकेको छैन ।
गएरातीको खेलमा पराजित भएसँगै जमैका तलाबाजले चौथो हार व्यहोरेको छ । ट्रिनबागो नाइट राइडर्ससँग १९ रनले पराजित हुँदै जमैकाले चौंथो हार व्यहोरेको हो ।
ब्रायन लारा क्रिकेट मैदानमा भएको खेलमा पहिले ब्याटिङ गरेको नाइट राइडर्सले १ सय ८४ रन बनायो । जवाफमा ब्याटिङ गरेको जमैकाले २० ओभरमा ६ विकेट गुमाएर १ सय ६५ रन मात्र बनाउन सक्यो ।
क्यारेबियन प्रिमियर लिग सीपीएल टी-ट्वान्टीमा सन्दीप आवद्ध जमैका तलाबाजले हार ब्यहोरे पनि नेपाली लेग स्पिनर सन्दीप लामिछानेको प्रदर्शन उत्साहजनक छ ।
गएरातीको खेलमा पनि सन्दीपले ४ ओभर बलिङ गर्दै २० रन दिएर १ विकेट लिएका छन् । जारी लिगमा सन्दीपले ७ खेलबाट १० विकेट लिएका छन् ।
No comments:
Post a Comment