सुरुङ्गा, १७ भदौ : शिवसताक्षी नगरपालिकाकाे रतुवामाई जंगलमा एक जना पुरुषको शव भेटिएको छ । शिवसताक्षी नगरपालिकास्थित बजारबाट एक किलोमिटर उत्तर रतुवामाई वृक्षरोपण आयोजनाको जंगलमा घाँटी काटिएको अवस्थामा स्थानीय २८ वर्षीय गोमान मगरको शव भेटिएको हो ।
जिल्ला प्रहरी कार्यालय, झापाका प्रमुख एसपी कृष्णप्रसाद कोइरालाका अनुसार मगरको शवलाई पोष्टमार्टमका लागि विपी कोइराला स्वास्थ्य विज्ञान प्रतिष्ठान, धरान पठाइएको छ । उहाँले प्रारम्भिक जाँचमा घाँटी काटिएको पाइएको र अन्य चोटपटकबारे पोष्टमार्टमपछि थाहा हुने जानकारी दिनुभयाे ।
प्रहरीका अनुसार मगर वैदेशिक रोजगकारीका लागि बहराइन गएर केही महिनाअघि फर्किएका थिए । प्रहरीले घटनास्थलबाट एउटा मोटरसाइकल पनि बरामद गरेको छ ।
संघीय प्रहरी इकाइ कार्यालय, धरानबाट ट्याकर डगसहित अनुसन्धान भइरहेकाे प्रहरीले जनाएकाे छ ।
No comments:
Post a Comment