चितवन, २२ असाेज : नबलपरासीकाे तमासपुर भेलौजीमा फेरि एउटा गैंडा मृत अबस्थामा फेला परेकाे छ ।
गैंडालाई बाढीले बगाएर मरेकाे चितवन राष्ट्रिय निकुञ्जका सुचना अधिकारी तथा सहायक वार्डेन अशोक रामले जानकारी दिनुभएको हो ।
मृत गैंडा नारायणी नदी किनारमा हिलाेमा गडेकाे अबस्थामा भेटिएकाे र लामो समय हिलोमा रहेकोले सडिसकेको रामको भनाइ थियो । यसले गर्दा भाले वा पाेथी छुट्टाउन समेत नसकिएको निकुञ्जले जनाएको छ ।
तर गैंडाकाे खाग र खुर सुरक्षित रहेकाे निकुञ्जले जनाएकाे छ ।
निकुञ्जमा कालगतिले गैंडा मर्ने क्रम बढ्दै गएपछि गैंडा के कारणले मरेकाे हाे भन्ने अनुसन्धान हुनुपर्ने बिज्ञहरूले बताएका छन्।
निकुञ्जकाे आसपासको क्षेत्रमा शुक्रबार यता मृत भेटिएको यो पाँचौं गैंडा हो । उहाँले भन्नुभयो- ‘बुधबार दिउँसो तीन बजेतिर नदीमै डुबेको अवस्थामा गैंडा मृत भेटिएको हाे ।’
नेपालमा पछिल्लो गणना अनुसार अनुसार ६ सय ४५ गैंडा रहेका छन् । त्यसमध्ये चितवनमा मात्र ६ सय ५ वटा छन् ।
आर्थिक वर्ष ०७४/७५ मा २६ वटा गैंडा मरे । त्यसैगरी ०७५/७६ मा निकुञ्जभित्र इतिहासमै सर्वाधिक ४३ वटा गैंडा मरेको तथ्याङ्क छ ।
No comments:
Post a Comment